IPL 2022 : पुण्याच्या मालकांनी लावली आयपीएलमध्ये सर्वाधिक बोली, पाहा कोणते दोन नवीन संघ खेळणार... - क्रिकेट प्रेमी

IPL 2022 : पुण्याच्या मालकांनी लावली आयपीएलमध्ये सर्वाधिक बोली, पाहा कोणते दोन नवीन संघ खेळणार...

नवी दिल्ली : आयपीएलमध्ये आता पुढच्या वर्षी कोणते दोन नवीन संघ उतरणार, हे स्पष्ट झाले आहे. आयपीएलमधील पुण्याच्या संघाच्या मालकांनी यावेळी सर्वाधिक बोली लावली असून आता त्यांचा संघ पुढच्या आयपीएलमध्ये दिसणार आहे. आयीपएलमध्ये रायझिंग पुणे सुपरजायंट्स हा संघ दोन वर्षे होता, या संघाचे मालक संजीव गोएंका यांनी विक्रमी ७१०० कोटी रुपयांची सर्वाधिक बोली लावली आणि आपला संघ विकत घेतला आहे. त्याचबरोबर सीव्हीसी कॅपिटल या कंपनीने ५६२४ कोटी रुपये खर्च करत अ़हमदाबाद संघ विकत घेतला आहे. आयपीएलमध्ये संघ विकत घेण्यासाठी अदानी ग्रुपसह मँचेस्टर युनायडेटही उत्सुक असल्याचे पाहायला मिळाले होते. आयपीएमलधील ंसघ विकत घेण्यासाठी बीसीसीआयने निविदा मागवल्या होत्या. त्यानुसार दोन संघांसाठी २२ कंपन्यांनी अर्ज केले होते. आयपीएलच्या या दोन संघांची निवड करण्यासाठी तब्बल ४ तास अर्जांची छाननी करण्यात आली आणि त्यानंतर सर्वाधिक ७१०० कोटी रुपयांची बोली संजीव गोएंका यांनी लावल्याचे समोर आले. संजीव गोएंका यांनी यापूर्वी आयपीएलमध्ये पुण्याचा संघ विकत घेतला होता. दोन वर्षे हा संघ आयपीएलमध्ये खेळला होता. त्यानंतर पुन्हा एकदा संजीव गोएंका यांनी आयपीएलमध्ये एंट्री घेतली आहे. पण यावेळी त्यांनी पुण्याच्या शहराचे नाव आपल्या संघाला दिलेले नाही, तर त्यांनी लखनौ या शहराकडून आपला संघ उतरवणार असल्याचे जाहीर केले आहे. त्यामुळे आता पुढच्या आयपीएलमध्ये सर्वांना लखनौचा संघ दिसणार आहे. आयपीएलमध्ये दुसरा संघ हा अहमदाबाद शहराचा दिसणार आहे. सीव्हीसी कॅपिटल या कंपनीने ५६२४ कोटी रुपये खर्च करत अ़हमदाबाद संघ विकत घेतला आहे. आयपीएलच्या या निविदा प्रक्रीयेमध्ये सर्वाधिक बोली या दोन कंपन्यांनीच लावली होती, त्यामुळे त्यांना संघांची मालकी देण्यात आली आहे. अदानी ग्रुपचा संघ आयपीएलमध्ये दिसेल, असे बऱ्याच जणांना वाटत होते. पण अदानी ग्रुपने यावेळी ५००० कोटी रुपयांची बोली लावली होती, ही बोली सर्वाधिक ठरली नाही आणि त्यामुळे त्यांना संघाची मालकी मिळू शकली नाही. त्याचबरोबर मँचेस्टर युनायडेटलाही यावेळी आयपीएलमध्ये संघ घेण्यास अपयश आले.


from आयपीएल टी -२०२१, IPL 2021 in Marathi, आयपीएल २०२१ बातम्या, IPL 14 News in Marathi https://ift.tt/2XJcjJ5
Previous article
Next article

Articles Ads

Articles Ads 1

Articles Ads 2

Advertisement Ads