IPL 2022मध्ये धोनीच्या शहराची टीम उतरणार... २ नव्या टीमसाठी ६ शहरे दावेदार - क्रिकेट प्रेमी

IPL 2022मध्ये धोनीच्या शहराची टीम उतरणार... २ नव्या टीमसाठी ६ शहरे दावेदार

नवी दिल्ली : इंडियन प्रीमियर लीग अर्थात आयपीएलचा पुढील हंगाम खूप दणक्यात होणार हे जवळपास निश्चित झाले आहे. कारण पुढील वर्षीपासून या स्पर्धेत १० संघ खेळताना दिसतील. बीसीसीआयने २ नवीन आयपीएल संघांना परवानगी देण्याची प्रक्रिया सुरू केली आहे. यासाठी ६ शहरांना दावेदार बनविण्यात आले आहे. मीडिया रिपोर्टनुसार, लखनऊ आणि अहमदाबाद व्यतिरिक्त बीसीसीआयने रांची, कटक, गुवाहाटी आणि धर्मशाला यांचाही स्पर्धकांमध्ये समावेश केला आहे. आता दोन नवीन फ्रँचायझी कोणत्या शहराशी संबंधित असतील, हे बोलीच्या आधारे ठरवले जाणार आहे. क्रिकबझच्या अहवालानुसार, आयपीएलमधील हिंदी भाषिक क्षेत्रांमध्ये आयपीएलचे सर्वाधिक प्रेक्षक आहेत. गेल्या वर्षी आयपीएलचे ६५ टक्के प्रेक्षक हे हिंदी भाषिक प्रदेशातील होते. दक्षिण भारतातील कोणत्याही शहराची बीसीसीआयने २ नव्या संघांसाठी निवड केली नाही. लखनऊ, रांची, धर्मशाला ही हिंदी भाषिक क्षेत्रे आहेत. मोठ्या प्रमाणात हिंदी भाषिक प्रेक्षकांची उपस्थिती असल्यामुळे या शहरांना संधी देण्यात आली आहे की नाही, हेदेखील स्पष्ट केलेले नाही. बीसीसीआयने अद्याप लिलाव प्रक्रियेसाठीची तारीख जाहीर केलेली नाही, पण एक महिना कालावधी लागेल, असे मानले जात आहे. दुसरीकडे बीसीसीआयने आयपीएल संघांची मूळ किंमत निश्चित केली आहे. दोन्ही नवीन संघांची मूळ किंमत २००० कोटी असणार आहे. पुणे वॉरियर्स इंडिया हा संघ आयपीएलच्या इतिहासातील सर्वात महागडा संघ ठरला होता. ज्याची किंमत १७०० कोटी रुपये होती, पण यावेळी बीसीसीआय दोन नवीन संघांकडून ५००० कोटी रुपयांपर्यंत कमाई करू शकते. आयपीएल २०२२चा हंगाम २०११च्या धर्तीवर असू शकतो. २०११ मध्ये देखील १० संघांनी आयपीएलमध्ये भाग घेतला होता. त्या काळात ५-५ संघांचे दोन गट तयार करण्यात आले होते. संघांनी त्यांच्या गटाच्या इतर ४ संघांसह त्यांचे घरच्या मैदानावर सामने खेळले होते. त्यानंतर प्ले-ऑफचा निर्णय घेण्यात आला होता. या स्वरूपासह, आयपीएल २०२२ मध्ये ७० साखळी सामने आणि ४ प्ले-ऑफ सामने होणार आहेत.


from आयपीएल टी -२०२१, IPL 2021 in Marathi, आयपीएल २०२१ बातम्या, IPL 14 News in Marathi https://ift.tt/3ngl0Fb
Previous article
Next article

Articles Ads

Articles Ads 1

Articles Ads 2

Advertisement Ads