IPL 2021 : आयपीएल सुरु होण्यापूर्वी जाणून घ्या पॉइंट्स टेबल, कोण कितव्या स्थानावर आहे पाहा... - क्रिकेट प्रेमी

IPL 2021 : आयपीएल सुरु होण्यापूर्वी जाणून घ्या पॉइंट्स टेबल, कोण कितव्या स्थानावर आहे पाहा...

दुबई : यावर्षीच्या आयपीएलच्या दुसऱ्या सत्राला १९ सप्टेंबरपासून सुरुवात होणार आहे. पण पहिल्या सत्रात कोणत्या संघाने कशी कामगिरी केली आहे, हे आता बऱ्याच जणांना आठवत नसेल. त्यामुळे आयपीएलचे दुसरे सत्र सुरु होण्यापूर्वी पॉइंट्स टेबलवर एक नजर टाकली की सर्व चित्र स्पष्ट होऊ शकेल. आयपीएलच्या पहिल्या सत्रात दिल्ली कॅपिटल्स हा संघ अव्वल स्थानावर विराजमान आहे. दिल्लीने पहिल्या सत्रात आठ सामने खेळले होते, या आठपैकी त्यांनी सहा सामन्यांमध्ये विजय मिळवला आहे. त्यामुळे दिल्लीचा संघ हा सध्याच्या घडीला अव्वल स्थानावर विराजमान आहे. आयपीएलच्या गुणतालिकेत दुसऱ्या स्थानावर आहे महेंद्रसिंग धोनीच्या नेतृत्वाखालील चेन्नई सुपर किंग्स. पहिल्या सत्रात चेन्नईच्या संघाने सात सामने खेळले होते, या सात सामन्यांपैकी चेन्नईने पाच सामन्यांमध्ये विजय मिळवला आहे, तर दोनदा त्यांना पारभव पत्करावा लागला आहे. त्यामुळे चेन्नईचा संघ हा दुसऱ्या स्थानावर आहे. आतापर्यंत विराट कोहलीच्या नेतृत्वाखालील आरसीबीच्या संघाला एकदाही आयपीएलचे जेतेपद पटकावता आलेले नाही. पण सध्या गुणतालिकेत ते १० गुणांसह तिसऱ्या स्थानावर आहेत. गुणतालिकेत चेन्नई आणि आरसीबी यांचे प्रत्येकी १० गुण आहे, पण चेन्नईचा रनरेट जास्त असल्यामुळे ते दुसऱ्या आणि आरसीबी तिसऱ्या स्थानावर आहेत. मुंबई इंडियन्सचा संघ यावेळी गुतालिकेत चौथ्या स्थानावर आहे. आतापर्यंत मुंबईच्या संघाने सातपैकी चार सामने जिंकले आहे आणि तीन लढतींमध्ये त्यांना पराभव पत्करावा लागला आहे. त्यामुळे आठ गुणांसह ते चौथ्या स्थानावर आहेत. गुणतालिकेत पाचव्या स्थानावर आहे राजस्थान रॉयल्सचा संघ. आतापर्यंत राजस्थानने सात सामने खेळले आहे, या सात सामन्यांमध्ये त्यांना तीन लढतींमध्ये विजय मिळवता आला आहे तर चारवेळा ते पराभूत झाले आहे. त्यामुळे सहा गुणांसह ते पाचव्या स्थानावर आहे. पंजाब किंग्सच्या संघाचेही यावेळी सहा गुण आहेत, पण त्यांचा रनरेट कमी असल्यामुळे त्यांना सहाव्या स्थानावर समाधान मानावे लागले आहे. कोलकाता नाइट रायडर्सचा संघ यावेळी चार गुणांसह सातव्या स्थानावर आहे. आयपीएलच्या गुतालिकेत सर्वात तळाला सनरायझर्स हैदराबादचा संघ आहे. हैदराबादच्या संघाने आतापर्यंत सात सामन्यांमध्ये फक्त एकच सामना जिंकला असून त्यांच्याकडे दोनच गुण आहेत.


from आयपीएल टी -२०२१, IPL 2021 in Marathi, आयपीएल २०२१ बातम्या, IPL 14 News in Marathi https://ift.tt/3Cewu06
Previous article
Next article

Articles Ads

Articles Ads 1

Articles Ads 2

Advertisement Ads