बीसीसीआयचं ठरलं... आयपीएलमध्ये दोन नवीन संघ कधी येणार, जाणून घ्या सर्व माहिती... - क्रिकेट प्रेमी

बीसीसीआयचं ठरलं... आयपीएलमध्ये दोन नवीन संघ कधी येणार, जाणून घ्या सर्व माहिती...

नवी दिल्ली : आयपीएलमध्ये पुढच्या वर्षी दोन नवीन संघ खेळणार आहे. पण हे दोन संघ आयपीएलमध्ये कधी येतील, त्यांचा लिलाव कधी होईल आणि त्यासाठी कोणत्या महत्वाचा अटी असतील, याबाबतची माहिती आता समोर आली आहे. आयपीएलच्या दोन संघांसाठी कधी लिलाव होणार, जाणून घ्या...आयपीएलमध्ये पुढच्या वर्षी १० संघ असतील. त्यामुळे दोन नवीन संघांसाठीचा लिलाव १७ ऑक्टोबरला करण्यात येणार आहे. ज्यांना आयपीएलच्या संघांसाठी लिलावासाठी संघ घ्यायचे आहेत, त्यांना ५ ऑक्टोबरपर्यंत आपली नावं देण्याचू मुभा ठेवण्यात आली आहे. त्याचबरोबर ज्यांच्या मनात या प्रक्रियेबाबत कोणतीही शंका असेल त्यांना प्रश्न विचारण्यासाठी २३ सप्टेंबर ही अखेरची तारीख ठेवण्यात आली आहे. त्यामुळे पाच ऑक्टोबरपर्यंत बीसीसीआयकडे जी लोकं आपील नाव देतील त्यांनाचा या लिलावात सहभागी होता येणार आहे. जे आयपीएलमध्ये संघ घेण्यासाठी उत्सुक आहेत त्यांना १० लाख रुपये एवढी अनामक रक्कम बीसीसीआयकडे जमा करावी लागणार आहे. ही रक्कम पुन्हा मिळणार नसल्याचे बीसीसीआयने स्पष्ट केले आहे. त्यामुळे पाच ऑक्टोबरपर्यंत ज्यांना संघ विकत घ्यायचे आहेत त्यांनी सर्व कागदपत्र बीसीसीआयकडे पाठवणे बंधनकारक असेल. त्याचबरोबर ज्या कंपनींचा टर्नओव्हर ३ हजार कोटी रुपये एवढा आहे त्यांना या लिलावात सहभागी होता येणार आहे. त्याचबरोबर प्रत्येक संघाची किंमत यावेळी किमान २ ते ३ हजार कोटी रुपये एवढी असणार आहे. त्यामुळे संघांच्या लिलावासाठी मोठ्या कंपन्या आणि उद्योगपती पुढे सरसावतील, असे संकेत मिळत आहेत. यावर्षी आयपीएल आठ संघांमध्ये खेळवण्यात येणार आहे. पण जेव्हा आय़पीेलमध्ये १० संघ असतील तेव्हा स्पर्धेचा ढाचा बदलण्यात येणार आहे. कारण १० संघ झाल्यावर प्रत्येक संघाला १८ सामने खेळवणे हे कठीण होऊ शकते आणि त्यामुळे आयपीएल स्पर्धा ही लांबू शकते. त्यामुळे आयपीएलमध्ये जेव्हा १० संघ येतील तेव्हा आयपीएल स्पर्धेचा संपूर्ण ढाचाही बदलण्यात येणार असल्याचे संकेत मिळत आहेत.


from आयपीएल टी -२०२१, IPL 2021 in Marathi, आयपीएल २०२१ बातम्या, IPL 14 News in Marathi https://ift.tt/3tFoGkH
Previous article
Next article

Articles Ads

Articles Ads 1

Articles Ads 2

Advertisement Ads