IPL 2021 : धक्कादायक... मुंबई इंडियन्सची चिंता वाढली, या महत्वाच्या खेळाडूवर झाला मोठा परीणाम - क्रिकेट प्रेमी

IPL 2021 : धक्कादायक... मुंबई इंडियन्सची चिंता वाढली, या महत्वाच्या खेळाडूवर झाला मोठा परीणाम

मुंबई : मुंबई इंडियन्सच्या संघाची आता चिंता वाढली आहे. कारण मुंबई इंडियन्सच्या महत्वाच्या खेळाडूवर आता मोठा परीणाम झाल्याचे समोर येत आहे. त्यामुळे आता त्याला आपल्या देशाकडून काही सामने खेळता येणार नाहीत. मुंबई इंडियन्सचा वेगवान गोलंदाज ट्रेंट बोल्टचे मानसीक स्वास्थ बिघडले असल्याची गोष्ट पुढे आली आहे. या गोष्टीचा आयपीएल कारण ठरले आहे, हेदेखील आता पुढे आले आहे. त्यामुळे सध्याच्या घडीला बोल्टला विश्रांती घेण्याचा सल्ला देण्यात आला आहे. त्यामुळे त्याची न्यूझीलंडच्या संघात निवड करण्यात आलेली नाही. न्यूझीलंडचा संघ इंग्लंडबरोबर जून महिन्यात कसोटी मालिका खेळणार आहे. पण या संघात बोल्टचा समावेश करण्यात आलेला नाही. त्यामुळे बोल्ट आता मैदानात पुन्हा कधी उतरणार, ही चिंता त्याच्या चाहत्यांना नक्कीच असेल. न्यूझीलंडच्या संघाचे फिजिओ टॉकी सिमसेक यांनी यावेळी सांगितले की, " भारतामध्ये आयपीएल खेळत असताना पटकन परिस्थिती बदलली. आयपीएलमधील वातावरण २-३ दिवसात अचानक बदलले आणि त्याचाच परीणाम बोल्टवर झाल्याचे पाहायला मिळत आहे. बोल्टला आपल्या मानसीक स्वास्थाची चिंता सतावत होती. त्यामुळे त्याला विश्रांती देण्याचा निर्णय आम्ही घेतला आहे. त्यामुळे आता इंग्लंडविरुद्धच्या मालिकेत त्याला संधी देण्यात आलेली नाही. पण भारताविरुद्धच्या विश्व अजिंक्यपद स्पर्धेतील अंतिम फेरीमध्ये तो खेळेल, अशी आशा आम्हाला आहे." आयपीएलमध्ये करोनाचा शिरकाव झाला आणि खेळाडू प्रचंड घाबरल्याचे पाहायला मिळाले. आयपीएलमध्ये करोना शिरल्यावर काही दिवसांत ही स्पर्धा पुन्हा खेळवण्यात येऊ शकली असती. पण त्यावेळी खेळाडू मोठ्या प्रमाणात घाबरले होते आणि त्यामुळे ते खेळू शकणार नाहीत, हे सर्वांनाच जाणवले होते. त्यामुळे आयपीएल अनिश्चित काळासाठी पुढे ढकलण्याचा निर्णय घेण्यात आला आहे. सध्याच्या घडीला बोल्ट हा विश्रांती घेत आहे आणि तो आता पुन्हा कधी खेळण्यासाठी सज्ज होईल, याबाबत कोणतीही अधिकृत माहिती पुढे आलेली नाही. त्यामुळे बोल्टसारखा भेदक गोलंदाजी करणारा खेळाडू आता पुन्हा कधी मैदानात उतरणार, याकडे सर्वांचे लक्ष लागलेले असेल.


from आयपीएल टी -२०२१, IPL 2021 in Marathi, आयपीएल २०२१ बातम्या, IPL 14 News in Marathi https://ift.tt/3eE5HBm
Previous article
Next article

Articles Ads

Articles Ads 1

Articles Ads 2

Advertisement Ads