IPL 2021 : आयपीएलला मोठा धक्का, इंग्लंडबरोबर या देशातील खेळाडूही खेळणार नाही स्पर्धा - क्रिकेट प्रेमी

IPL 2021 : आयपीएलला मोठा धक्का, इंग्लंडबरोबर या देशातील खेळाडूही खेळणार नाही स्पर्धा

मुंबई : आयपीएलला आता अजून एक मोठा धक्का बसला आहे. कारण यापूर्वी इंग्लंडच्या क्रिकेट मंडळाने आमचे खेळाडू आयपीएल खेळू शकत नाहीत, असे स्पष्ट केले होते. त्यानंतर आता अजून एका देशातील खेळाडू आयपीएलचे सामने खेळू शकणार नसल्याचे आता समोर आले आहे. आयपीएलचे आतापर्यंत २९ सामने झाले आहेत. आयपीएलचे उर्वरीत सामने सप्टेंबर महिन्यात होऊ शकतात, असे म्हटले जात आहे. त्यामुळे आता आयपीएलमध्ये इंग्लंडपाठोपाठ न्यूझीलंडचे खेळाडूही खेळणार नसल्याचे दिसत आहे. त्यामुळे आयपीएलमध्ये आता न्यूझीलंड हा दुसरा देश ठरला आहे, ज्या देशाचे खेळाडू स्पर्धेत खेळू शकणार नाही. न्यूझीलंडचे खेळाडू आयपीएल का खेळू शकणार नाहीत, जाणून घ्या...आयपीएल सप्टेंबर महिन्यात खेळवण्याचे ठरवले जात आहे. पण त्याचवेळी न्यूझीलंडचा संघ हा युएईमध्ये जाणार आहे. यावेळी न्यूझीलंडचा संघ पाकिस्तानबरोबर दोन मालिका खेळणार आहे. न्यूझीलंड आणि पाकिस्तान यांच्यामध्ये सप्टेंबर महिन्यात तीन वनडे आणि तीन ट्वेन्टी-२० सामन्यांच्या मालिकेचे आयोजन करण्यात आले आहे. ही स्पर्धा आयसीसीने मान्य केली आहे. त्यामुळे ही स्पर्धा आता रद्द करता येणार नाही. त्यामुळे न्यूझीलंडच्या खेळाडूंना युएईमध्ये खेळावे लागणार आहे. त्यामुळे मुंबई इंडियन्सचा वेगवान गोलंदाज ट्रेंट बोल्ट, सनरायझर्स हैदराबादचा कर्णधार केन विल्यम्सन आता आयपीएलचे सप्टेंबरमध्ये सामने झाले तर ते खेळू शकणार नाहीत. त्यामुळे आयपीएलसाठी हा एक मोठा धक्का समजला जात आहे. इंग्लंडच्या खेळाडूंचे काय वेळापत्रक आहे, जाणून घ्या...इंग्लंडचा संघ १६ सप्टेंबरला बांगलादेशच्या दौऱ्यासाठी रवाना होणार आहे. या दौऱ्या इंग्लंडचा संघ मर्यादीत षटकांचे सहा सामने खेळणार आहे. त्यानंतर ऑक्टोबर महिन्यात इंग्लंडचा संघ हा पाकिस्तानच्या दौऱ्यावर जाणार आहे. इंग्लंडचा संघ १६ वर्षांमध्येच प्रथमच पाकिस्तानच्या दौऱ्यावर जाणार आहे. त्यानंतर इंग्लंडचा संघ भारतामध्ये ट्वेन्टी-२० विश्वचषक खेळायला येणार आहे. विश्वचषक संपल्यावर इंग्लंडचा संघ अॅशेस मालिकेची तयारी करण्यासाठी ऑस्ट्रेलियाला रवाना होणार आहे. अॅशेस मालिका ही ८ डिसेंबरपासून सुरु होणार आहे.


from आयपीएल टी -२०२१, IPL 2021 in Marathi, आयपीएल २०२१ बातम्या, IPL 14 News in Marathi https://ift.tt/2QgnGEC
Previous article
Next article

Articles Ads

Articles Ads 1

Articles Ads 2

Advertisement Ads